Sunday, September 26, 2004

攰到死..................

星期六要返工,下午仲要返工添,星期一至五都游手好閒,終於星期六做到五點,天意!放工仲約左朋友仔,去到主人家屋企,有人提議睇天國的階梯的vcd,我對這套韓劇的印象一般,一貫的韓劇作風節奏好慢,但我d朋友非常投入好緊張,不時大叫起來,非常擔心男女主角不能走在一起。

我覺得好好笑,係佢地的表現好攪笑,期間等人煮飯,食左薯片餐,卡樂b、lay's、熱浪、品格.....咩都食落口,到食飯時都飽左七成,但很開心呢,都唔理得會唔會爆瘡,咁樣又玩左一晚。

返到屋企都12點,加上之前一晚又瞓得唔好,所以超級無敵勁勁攰,其實朝早起身都好攰,但係死頂,返到屋企成個散晒,唔洗五分鐘就瞓左。

1 Comments:

Blogger shoeyee said...

小主~
奴婢幫你按摩~
大力d~
再大力d~
拍 拍 拍~
死未~~~~

舒服嘛???

September 27, 2004 at 5:37 PM

 

Post a Comment

<< Home