Saturday, August 28, 2004

內咎

今日係星期六,但唔係幾開心,今次唔係做野辛苦,因為辛苦已經係必然,又係做到6點幾7點,攰到死,晏就連做5個鐘,仲要未食飯,早餐都係飲左杯野,不過無乜氣受都算啦。

但係上就係公司icq,有朋友搵我,原來佢既感情出了重大的問題,瀕臨分開既邊沿,咁佢有問題我就一早知,但本來仲係改善中,我以為會有得救,點知個多2個月便出現信心危機。

令我最唔開心既係佢之前都想搵我講,但係佢知道我忙到黐線,唔敢搵我,咁佢都無咩搵人傾,我好內咎原來呢份咁鬼無聊既工,除左令我情緒大受困擾,好煩,身心俱疲,有時返到屋企都要搵亞爸亞媽出下氣,咁亞爸亞媽好就我,我係屋企都係小霸王黎架,佢地唔會出聲,任我發洩鬧一餐,我都好對佢地唔住,亞爸病左又唔知。

而家連朋友有事都唔敢搵我,我都好對佢唔住,呢份咁既工真係好鬼煩,而家真係除左返工,乜都無點做,時間快d過去,仲有2個week就大功告成。快d,快d。

0 Comments:

Post a Comment

<< Home